منتديات صحة | منتدى كلية الطب و الصيدلة والعلوم الصحية في جامعة البعث , احدث الاخبار الطبية

منتديات صحة | العيادة الطبية الافتراضية | يحتوي الموقع كل مايحتاج إليه طلاب كليات الطب البشري و الصيدلة و العلوم الصحية في جامعة البعث , اخر النتائج الامتحانية , احدث الاخبار الطبية , غرفة دردشة للأعضاء لزيادة التفاعل فيما بينهم , مسابقات طبية

موقع أسبرين الجديد
أعزائنا أعضاء المنتدى : لأسباب تقنية خارجة عن إرادتنا تم نقل الموقع إلى موقع أسبرين الجديد , ونتمنى منكم الانتقال إلى الموقع الجديد ونعتذر عن هذه التنقلات ونعدكم بالأفضل في المستقبل القريب إن شاء الله , الادارة تأسف لهذه الظروف التقنية الخارجة عن إرادتنا و التي تم حلها بشكل كامل والتي لن تتكرر إن شاء الله

المواضيع الأخيرة

» خطيبتي مصابة بالسكري وأنا أحبها فهل أتزوجها؟
الإثنين 4 مايو 2009 - 23:17 من طرف The Prince

» أفكار إيجابية ام سلبية ؟؟؟؟؟؟؟؟
الإثنين 4 مايو 2009 - 2:22 من طرف vip

» كيف يؤثر السكري على الناحية الجنسية
الإثنين 4 مايو 2009 - 1:57 من طرف vip

» من تختار ليمسح دمعتك ؟؟؟؟؟؟؟؟
الجمعة 1 مايو 2009 - 6:18 من طرف The Prince

» من روائع نزار قباني ........
الجمعة 1 مايو 2009 - 6:14 من طرف The Prince

» الوضوء وقاية من الأمراض الجلدية ........
الجمعة 1 مايو 2009 - 5:13 من طرف The Prince

» متابع الاشعة
الخميس 30 أبريل 2009 - 23:58 من طرف Mr-fire

» الصداع اسبابه اسهل الطرق لعلاجه ( علاج الصداع بالماء )
الخميس 30 أبريل 2009 - 21:12 من طرف The Prince

» هل الأعـشـاب آمنــــــــة ؟
الخميس 30 أبريل 2009 - 16:46 من طرف يحيى

دخول

لقد نسيت كلمة السر

أضفنا إلى المفضلة

أضفنا إلى المفضلة

تصويت

مارأيك بالمنتدى الجديد
86% 86% [ 6 ]
14% 14% [ 1 ]
0% 0% [ 0 ]
0% 0% [ 0 ]

مجموع عدد الأصوات : 7

اجعلنا الصفحة الرئيسية

أفضل 10 أعضاء في هذا المنتدى


    فحص الجهاز القلبي 2- التأمل والجس

    شاطر
    avatar
    The Prince
    إدارة الموقع
    إدارة الموقع

    الابراج : الثور الأبراج الصينية : التِنِّين
    عدد الرسائل : 78
    العمر : 29
    نقاط : 158
    السٌّمعَة : 0
    تاريخ التسجيل : 30/11/2008

    فحص الجهاز القلبي 2- التأمل والجس

    مُساهمة  The Prince في الجمعة 24 أبريل 2009 - 21:40

    فحص الجهاز القلبي الوعائي ...القسم الأول

    رح نحكي بهالموضوع عن تأمل المريض وجس الشرايين المحيطية وجس البرك ..بالاضافة للحديث عن قياس الضغط

    تأمل المريض بيبدا من وقت دخوله للغرفة ...لازم نتأمل مشيته والعلامات الظاهرة عليه ..من قلق أو زلة أو تأثر بالألم ...
    بعدين منبدا التأمل المباشر للمريض بالاحتكاك مباشرة معه ومصافحته وهون منكون عم نتأمل اليدين لـ :
    -تقدير وضع الدوران المحيطي عنده (حرارة اليدين) والتعرق ووجود احمرار راحي أو شحوب
    -منشوف إذا في عنده زرقة محيطية أو تيقرط أصابع clubbing
    -أو إذا في عنده نزوف شظوية تحت الأظافر أو آفات جانوي (احمرار غير مؤلم على راحة اليد) وعقيدات أوزلر (عقيدات صغيرة مؤلمة على الوجه الراحي للأصابع) منشوف هالعلامات عند مريض التهاب الشغاف الانتاني



    بعدين منطلب من المريض يستلقي ومنتأمل الوجه والعنق لنشوف إذا عند المريض:
    - نبضان وداجي (بيدل على ارتفاع الضغط داخل الأذينة اليمنى) مندير رأس المريض ومنشوف رقبته ولازم يكون الاستلقاء بزاوية 45



    - زرقة مركزية (بالطلب من المريض إنو يمد لسانه ويقلبه لفوق)
    - Malar flush على الوجنتين (تتواجد في تضيق الصمام التاجي)
    - توسعات وريدية على الوجه

    مننتقل بعدا لجس الشرايين المحيطية لنحدد تواجد النبض من عدمه وسرعته وانتظامه وحجمه (قوي أو ضعيف) وطبيعته (وثاب أو تناقضي ...) ولازم نجس النبض في الطرفين لنشوف إذا في فارق بالزمن أو الطبيعة بين الطرفين
    بيكون الجس كالتالي:
    -الشريان السباتي منجسه بين الحنجرة و الحافة الأنسية للعضلة القترائية ..وإياك ثم إياك تضغط الشريانين السباتيين مع بعض لأنو هالشي رح يسبب نهي قلبي ....



    -الشريان الكعبري منجسه وحشي وتر قابضة الرسغ الكعبرية بوضع رؤوس تلت أصابع عليه ومنعد النبض خلال 15 ثانية ومنضرب العدد بأربعة لنحصل على معدل النبض بالدقيقة
    -الشريان العضدي منجسه بوضع الابهام أنسي الحفرة المرفقية والمرفق بوضعية البسط



    -الشريان الفخذي منجسه منتصف الرباط الإربي وتحته بـ 2 سم
    -الشريان المأبضي منجسه بالحفرة المأبضية بعمق (جسه صعب)
    - الشريان الظنبوبي الخلفي ..منجسه خلف الكعب الأنسي بـ2سم وتحته بـ2 سم
    - وما مننسى نجس شريان ظهر القدم اللي أحسن مكان لجسه هوة الميزابة بين المشطين الأولين للقدم



    متل ما منعرف معدل النبض الطبيعي بين 56-96 (تجاوزا 60-100) نبضة /دقيقة
    أقل من 60 يعتبر تباطؤ (bradycardia) وأكتر من 100 يعتبر تسارع (tachycardia)
    تقدير حجم وطبيعة النبض بيكون أفضل عن طريق جس الشرايين الكبيرة (السباتي مثلاً)
    النبضة بتكون كبيرة لما بيكون حجم الدم اللي عميجري بالشريان كبير أو لما بيكون في توسع وعائي متل حالات قصور الأبهر أو فقر الدم وبتكون النبضة صغيرة لما بيكون جريان الدم بالشريان قليل متل حلات قصور القلب ...
    إختلافات قوة النبض موضحة بهالجدول:



    ممكن يكون في عنا اختلاف بالنبض بين الطرف العلوي والسفلي بحالة تضيق برزخ الأبهر (radio-femoral delay) ومنجس بالشريان الفخذي نبض بيشبه طلقة المسدس ...
    طبيعة النبض بتتغير ببعض الحالات فممكن يكون النبض بطيء الصعود slow-rising متل حالة تضيق الأبهر

    - قياس الضغط الشرياني:
    لازم ينقاس الضغط مرتين بفاصل 5 دقائق (ما حدا عبيعمل هيك شي هالأيام)
    منحدد مكان النبض العضدي ومنحط كم جهاز الضغط حول الذراع المنزوع عنها اللباس ومننفخ الكم لدرجة أعلى من الضغط الدموي داخل الشريان (منرفعه لحوالي 220 ملمز ) وبعدين منفشه ببطء لحتى نسمع أصوات منتظمة (اسمها أصوات كوروتكوف) ولما منسمع هالأصوات منكون وصلنا للضغط الانقباضي ومنضل عمنسمع لحتى تغيب هالأصوات وعندا منصل للضغط الانبساطي...



    بعدا مننتقل لفحص القلب :
    لازم يكون المريض عاري الصدر مستلقي بزاوية 45 ومرتاح على وسائد مناسبة
    طبعا في بعض الحالات المريض ما بيقدر يستلقي متل حالات الزلة التنفسية الشديدة
    منتأمل صدر المريض لنشوف إذا في عنده ندبات جراحية أو توسعات وريدية أو أي تشوه تاني

    لازم بعدا نحدد مكان صدمة القمة وطبيعتها :
    لنحدد مكان صدمة القمة منحط إيدنا على صدر المريض (متل الصور) .... وإذا تطلب الأمر منميل المريض على الطرف اليسار



    عادة صدمة القمة بتتوضع في الورب الخامس الأيسر على الخط الناصف للترقوة ممكن تنزاح في حالات انزياح المنصف (ووقتا بتكون الرغامى كمان منزاحة) وكمان بتنزاح بحالات تضخم البطين الأيسر وبهالحالة بيكون الانزياح للأسفل والوحشي
    تحديد طبيعة صدمة القمة أهم من تحديد انزياحها لأنو بيدل على تغيرات مرضية كتيرة:
    - صدمة القمة بتكون tapping في حالات تضيق التاجي وهي عبارة عن صوت القلب الأول المجسوس
    - ممكن تكون ضربة القمة ثقيلة ومتوسعة heave تضرب يد الفاحص (بس مو منزاحة ) بحالات فرط التحميل overload على البطين الأيسر متل تضيق الأبهر وارتفاع التوتر الشرياني
    - صدمة القمة المزدوجة دليل على اعتلال عضلة قلبية ضخامي
    منتابع الجس بتحري وجود نبضان بمناطق أخرى غير طبيعية متل النبضان خلف القص وهو دليل على ضخامة بطين أيمن
    ممكن كمان نجس الهرير (الارتعاش السنوري) أو ما يسمى Thrill وهوة عبارة عن انتقال النفخات القلبية لجدار الصدر (رح نحكي عن النفخات بموضوع الاصغاء)

    ولرؤية الصور كاملة في صفحة مستقلة :

    http://www4.0zz0.com/2009/04/24/12/466843753.jpg

    http://www4.0zz0.com/2009/04/24/12/237734620.jpg

    http://www4.0zz0.com/2009/04/24/12/343039651.jpg

    http://www4.0zz0.com/2009/04/24/12/421597263.jpg

    http://www4.0zz0.com/2009/04/24/12/866174088.jpg

    http://www4.0zz0.com/2009/04/24/12/391699574.jpg

    http://www4.0zz0.com/2009/04/24/12/422850306.jpg

    http://www4.0zz0.com/2009/04/24/12/808851031.jpg



    _________________


    كلماتنا في الحب تقتل حبنا
    إن الحروف تموت حين تقال

      الوقت/التاريخ الآن هو الثلاثاء 17 أكتوبر 2017 - 11:51